Most Powerful Thing in the World

Namskar Mitro,
Kya aap janate hai ki is sansar ki sabse shaktishali vastu kya hai? aur kya vo aapke paas bhi?
Isi vishay par ek kahani hai jise mai aapko batana chahta hu, aaiye padhiye is kahani ko-

Ek ashram me kai shishy aur ek guru rahte the, ek din shishyo ke bich is baat ki bahas chhid gayi ki sansar ki sabse shaktishali vastu kya? Koi kuchh kahat koi kuchh, aise karte karte jab koi hal nikala to unhone is samsya ka hal guruji se pane ki sochi.

Sabhi shishy guruji ke paas pahuche aur unko apni samsya batayi. Kuch der sochane ke bat guruji bole-

" Tumhara dimag kharab ho gaya hai kya, ye anap shanap baat kyu kar rahe ho?"

Itna kahakar vah snan karne chale gaye, shishyo ko unaki baat bahut buri lagi thi isliye unke jate shishy krodhit ho uthe aur aapas me guruji ke is vyvhar ki aalochana karne lage.

Guruji piche se ye sab sun rahe the kintu unki bato ko ansuna karte huye unke samne aa gaye aur bole-

"Mujhe tum sab par garv hai, tum log apna ek bhi kshan vyarth nahi karte aur mere anupasthiti me bhi gyan ki charcha kiya karte ho"

Guruji ki baat sunakr shishy gadgad ho uthe aur unke chare par prasannata aa gyi. Guruji ne shishyon ko samjhate huye kaha- "Tumhe aaj mera vyvhar vichitra laga hoga kintu maine aisa janbujh kar tumhare prashno ka uttar dene ke liye kiya"

Dekho jab maine tumse bure shabdo me aur kharab lahje me baat ki to tum sabhi krodhit ho uthe aur meri alochana karne. Lekin jaise hi maine tumhari prashansha ki to tum sabhi khush ho gaye. Sansar me vani se badhkar koi dusari shaktishali vastu nahi hai. Vani se shatru ko mitra aur mitra ko shatru banaya ja sakta hai.

Guruji ki baat sunakar shishy santusht huye aur aur gaye aur usi din se mithi vani ka prayog karne lage. Mitron hamari boli bahut hi mahatvpurn isliye iska sahi prayog karna chahiye.