Aapki safalta aapke hi hath me hai

Namsakar mitro,
Aaj mai aapko ek bahut hi prernadayak kahani sunane ja rha hu.
Ye kahani hai ek medhak ki, ek aisa medhak jo bahara tha janm se hi. Ek bar ki baat hai vo medhak aur uske dost khel rhe the. Jha vo khel rhe the vahi par ek bada sa gadhdha tha, vo medhak aur uske sathi khelte khelte achanak us gadhdhe me gir gaye. Unke girne ki avaj sunkar unke parivar ke bade bade budhe medhak vha par aa gaye. Unhone ne jaise hi dekha ki unke unke bachche gadhdhe me gir gaye hain to vo buri tarah ghabrane lage. Isi bich vo naujvan bachche vaha se bahar niklane ka prayas karne lage unke bade bujurg bhi dabe man se unka utsah badhane lage. Thodi der ki koshish ke bad sabhi medhak thak gaye aur har man li, aur unke bade bujurg har ke unke  maut ka intejar karne lage aur rone lage. Kintu unme se ek medhak ne har nahi mani aur baar baar prayas karta rha.
Aur thodi der ke pyas ke baad achanak ek jor ki chhalag lagayi aur us gadhdhe ke bahar aa gaya.
Sab ascharychakit the ki aisa kaise ho gaya. Kya aap samajh paye k aisa kaise hua, mai batata hu, kyonki vah vahi medhak tha jo bahara tha. Usne un logo ki nirashajanak bate nahi suni aur vah usi utsah se prayas karta rha aur antatah safal hua.

Moral if the story ye hai ki yadi ham dusro ki bato ko bina sune lagatar prayas karte rahe to hame safal hone se koi nahi rok sakta.

Dhanyavad dosto Aaj ke liye bas itna hi.
Ye story kaisi hame jarur bataye.